توجه حوالي 300 عامل من الشركة العامة للمشروعات الكهربائية ” إيليجيت” بمسيرة من مقر فرع الشركة الكائن بباب اللوق، إلى مقر مجلس الوزراء بالقصر العيني للمطالبة:ـ
1ـ عودتهم تابعين لوزراة الكهرباء.
2ـ النسبة في الأرباح.
3ـ حافز الـ 200% أسوة بباقي القطاعات في الدولة.
4ـ تسديد التأمينات الاجتماعية التي لم تسددها الشركة منذ خصخصتها في التسعينات.
5ـ بدل انتقال للمغتربين من محافظات أخرى.
6ـ بدل وجبة .
قال أحد العمال :ـ منذ خصخصة الشركة القومية للتشييد والبناء في التسعينات، وأصبحت قطاع أعمال، تدهور حال العمال فيها، فلم تصرف لنا نسبتنا في الأرباح، ولا التأمينات بتتسدد، وصندوق العاملين اللي كان بيتخصم فلوسه من مرتبنا كل شهر، الإدارة سرقته، لا نعلم عنه شيء، كمان مرتباتنا ضعيفه جدا لا تتعدى الـ 400 جنيه إزاي أصرف بيهم على أولادي اللي في محافظة تانيه، وأصرف على نفسي وأنا ساكن تبع الشغل وباكل على حسابي.
وأضاف قائلا :ـ لما كنا تابعين لوزارة الكهرباء كنا بناخد عمليات بالأمر المباشر شغل أما دلوقتي بقالنا سنتين مشتغلناش ، لأن رئيس قطاع المشروعات في وزارة الكهرباء بيدي المشروعات لمقاول خاص، علشان ياخد نسبة في المستخلص.
يذكر أن عدد عمال الشركة 3500 عامل في جميع فروع الشركة بمختلف المحافظات.
كما أكد العمال المعتمون أنهم سيستمرون في اعتصامهم أمام مقر مجلس الوزراء حتى يضم باقي زملائهم من المحافظات المختلفة، وأنهم لن يغادروا حتى يتم تنفيذ مطالبهم.
